香港同志沒有婚姻，但有好多朋友都會慶祝週年紀念。我都贊成要慶祝！除了有象徵意之外，慶祝行為又可以強化感情。 我同lover剛剛11年。因為正日同朋友BBQ，所以預先慶祝，食飯睇演唱會！不過七週年那天，梅姐過身，之後Honey就話無Mood慶祝！都11年了，我覺得不一定要大事慶祝，兩個人能夠繼續一齊，就係最大安慰。我也認識幾對couples，「年資」比我長呀，我覺得好鼓舞。
燒烤後，座車離開時，才和兩三過朋友講起。我問他們知唔知那日乜野日子？竟然有個朋友記得！我覺得驚喜，因為有一次週年紀念，叫他一起去吃晚餐，他沒空參加！但他說：「如果係你生日，我一定抽空來。」我反而覺得生日年年有，人人有；週年紀念未必年年有，比較可貴。所以自己生日，不會找朋友！
其實可能我方向搞錯，搵單身朋友慶祝週年紀念，其實算唔算自私，沒有考慮別人感受，令人觸景傷情呢！
有個朋友就話上個月七週年，都替我高興。不過另一位朋友，因為十年就分了手，仲問我有乜心得。我未遇倒大風浪掛！ 我覺得身邊有班好朋友陪伴拍拖，可以幫手維繫感情。有時覺得Ｄ朋友，一有拖拍走失蹤，散了才找朋友，其實未必好！ (林偉基/2008.1.6)
