因為被歧視和怕被歧視，同性戀者的交友空間很狹窄。雖然互聯網普及，有聊天室和交友站，讓同志們識朋友找伴侶。而上網交友也有問題，所以同志都會參加朋友聚會，希望找到對象。就算平常食餐飯，其實可以認識朋友的朋友，可能某一次飯聚，好好彩彩找到真愛。
我和一些朋友也經常相約搞各種形式的活動，例如晚飯、睇戲、睇話劇、行山、遊艇河、打波、做瑜伽等等。
上星期我搞燒烤會，除了邀請相熟朋友之外，也在同志討論區招徠一些網友參加。有參加者報名時，問我單獨參加者多唔多？我答不算多，但跟朋友來的，也可能是單身。最後有廿幾個參加者。有幾組朋友，原來以前已認識，所以他們好似聚舊咁。亦有些人主動和別人聊天，談天說地，互相介紹，交換電話。我覺得氣氛都幾好！
估唔到當晚就有參加者在討論區用表示不滿，話統籌不周，沒有搞活動做好氣氛，大家只顧小圈子傾談。一心想來識朋友，卻令他非常失望，浪費時間和金錢！
發生呢件事，我都非常失望。我搞燒烤會乍，不是介紹所。唔通想係公眾燒烤場搞Speed Dating呀！
有兩三位參加者作出回應，一方面表示當晚氣氛幾好，反問某君係咪唔識得主動，需要別人幫助。有位朋友說他也是單獨參加，但也識倒新朋友。
係咪互聯網影響了新一代的溝通方法，大家反而減弱了基本的社交技能呢！我經同志組統的活動，結識現時的男友後，已經十一年無去溝仔了！可能我不懂現時的交友文化。請君見諒！（林偉基/2008.1.5）
沒有留言:
發佈留言